ప్రేమ నావ !

ఒకటే భావం!

నీకై నేను...

మాయచేసేయ్...

మమైకం

ప్రేమ ప్రమిద...

ఇరు హృదయాలు ఆలపించే మధుర గానమిది

ఒకే పల్లవితో మొదలయ్యే వసంత గీతమిది

హంసధ్వనై హద్దులు చెరిపే ప్రణయ వంతెనిది

చైత్ర చలిగాలుల్లో ఎదురుచూసే విరహ వేదనిది

హృదయ సితారలు చేసే ప్రేమ పదవిన్యాసమిది

ఎడబాటు సుమతారలై వెలిగే నిత్య ప్రమిదిది

తలపు హరివిల్లై మురిపించే తీయని కలయిది

వలపు విరిజల్లై కురిపించే వెచ్చని కలయికిది

విశ్వం మాయ కోసమై అల్లిన ఊహా పొదరిల్లిది

మాయ విశ్వం కోసమై కట్టిన కలల కుటీరమిది

మదిసవ్వడి

మధురభావాల సుమమాల ఇది
ఇరుమనసుల కలయికకు నాంది

తనకి నేను నాకోసం తనే పలికెడి
పదాలలో ఇద్దరిది ఒకటే ఒరవడి

వాస్తవాలకందని కలలకుటీరమిది
మమతలే తప్ప మర్మమెరుగనిది

రెండు మనసులు పెనవేసిన ముడి
చిలిపిగా చేస్తున్న అలజడులసవ్వడి

అందరినీ అలరించే ప్రయత్నం మాది
అవునని కాదనో చెప్పే నిర్ణయం మీది